भूषविलेली पदे – प्राप्त मानसन्मान

कृष्णा हेगडे यांनी त्यांच्या प्रदीर्घ सामाजिक प्रवासात भुषविलेल्या पदांवर व मानसन्मानांवर दृष्टीक्षेप

पर्यावरण रक्षण व स्वच्छता; दर्जेदार शिक्षण; गरजुंना मदतीचा हात या तीन तत्त्वांवर कृष्णा हेगडे यांचा एकुण सामाजिक व राजकीय प्रवास सुरुवातीपासुन आधारलेला आहे. महाविद्यालयीन जीवनापासुनच त्यांनी समाजकार्यात सक्रिय सहभाग नोंदवला. तसेच विद्यार्थी दशेपासुनच त्यांनी महाविद्यालयीन राजकारणात स्वत:चा ठसा उमटविला १९८५ साली कृष्णा हेगडे यांनी मिठीभाई महाविद्यालयातून कला शाखेतुन अर्थशास्त्र विषयात पदवी संपादन केली. त्यांनी विविध पक्षात प्रवेश करुन तेथील कार्यपद्धतींचा अनुभव घेतला. 2022 मध्ये शिवसेनेत उभी फुट पडली आणि बाळासाहेबांच्या हिंदुत्वास माननारी मुळ शिवसेना, जवळपास समस्त लोकप्रतिनिधी विद्यमान मुख्यमंत्री श्री. एकनाथ शिंदे यांच्या नेतृत्वात 'शिवसेना' पक्षाच्या माध्यमातुन समाजसेवेचा वसा पूढे चालवु लागली. शिवसेनेत हवा तितका समाजसेवेस वाव मिळत नसल्यामुळे घुसमट होणारे कृष्णा हेगडे श्री. एकनाथ शिंदेंच्या नेतृत्वाखालील 'शिवसेना' पक्षात 28 नोव्हेंबर 2022 रोजी सामिल झाले.