व्यक्तिमत्वावर दृष्टीक्षेप

कृष्णा हेगडे यांनी विलेपार्ले क्षेत्रात अनेक नाविन्यपूर्ण आगळ्यावेगळ्या संकल्पनांनी मुंबईत अनुकरणीय पाऊल प्रथम टाकण्याचा मान विलेपार्लेस मिळवुन दिला. विलेपार्ले विधानसभा मतदारसंघात त्यांनी सीसीटीव्ही कॅमेरे बसवले, देशातील हा पहिलाच विधानसभा मतदारसंघ ठरला जिथे सीसीटीव्ही कॅमेरे बसवण्यात आले, नंतर अर्थातच अनेक स्थानी याचे अनुकरण झाले, परंतु मुहुतमेढ रोवण्याचा मान विलेपार्लेचाच. रेल्वे स्थानकावर स्वयंचलित जिने आज आपल्याला सगळीकडे आढळतात परंतु मुंबईत सर्वप्रथम स्वयंचलित जिने रेल्वेस्थानकावर बसवले ते विलेपार्ले विधानसभ मतदारसंघाने, श्री. कृष्णा हेगडे यांच्या दूरदृष्टीमुळे, त्यांच्याच आमदारनिधी द्वारे! तब्बल 11 उद्याने आणि 52 रस्ते कृष्णा हेगडे यांनी उभारुन विलेपार्लेचा कायापालट करून दाखवला. पाकिस्तानच्या कैदेत सापडलेल्या भावेश परमारला सोडवुन मायदेशी परत आणण्याचे अशक्यप्राय वाटणारे शिवधनुष्य देखील त्यांनी पेलुन दाखवले.
दुर्दैवाने नंतर आलेल्या निवडणूकीत सामुहिक संमोहनावस्थेत असल्याप्रमाणे मतदान करणार्‍या लाटेत कृष्णा हेगडे यांना त्यांच्या कार्याची पावती मतदानपेटीतुन मिळताना हुकली. परंतु, कृष्णा हेगडे यांनी जनसेवेचा वसा काही सोडला नाही. ते अविरतपणे समाजसेवा करित राहिले.
कॉंग्रेस पक्षाच्या अंतर्गत राजकारणामुळे त्यांनी कॉंग्रेसला राम राम करुन भाजपमध्ये प्रवेश केला, परंतु तिथे देखील त्यांचे मन रमले नाही. राजकारणापेक्षा समाजकारणास महत्त्व देणार्‍या शिवसेनेत फेब्रुवारी 2021 मध्ये माजी आमदार कृष्णा हेगडे यांनी प्रवेश केला. परंतु शिवसेनेत उभी फुट पडली आणि बाळासाहेबांच्या हिंदुत्वा माननारी मुळ शिवसेना, जवळपास समस्त लोकप्रतिनिधी विद्यमान मुख्यमंत्री श्री. एकनाथ शिंदे यांच्या नेतृत्वात ‘शिवसेना’ पक्षाच्या माध्यमातुन समाजसेवेचा वसा पूढे चालवु लागली. शिवसेनेत उद्धवजींच्या नेतृत्वाखाली हवा तितका समाजसेवेस वाव मिळत नसल्यामुळे घुसमट होणारे कृष्णा हेगडे श्री. एकनाथ शिंदेंच्या नेतृत्वाखालील ‘शिवसेना’ पक्षात सामिल झाले.
आता ते पूर्ण वेळ शिवसेनेचा 80 टक्के समाजकारण आणि 20 टक्के राजकारण या सूत्रानुसार समाजसेवेत रत आहेत. लोकप्रतिनिधीपेक्षा आज विलेपार्ले येथील जनतेला लोकांना प्राधान्य देणारा नेता अधिक जवळचा वाटतो, आणि हेच यश आहे कृष्णा हेगडे नामक एका समर्पित राजकारणातुन समाजाची सेवा करणार्‍या समाजसेवकाचे!